მუზეუმები

 

                                          მუზეუმები

                                                                 მუზეუმები ინახავენ ხსოვნას
                                                                 და
                                                               ჰყვებიან ისტორიებს...
თეთრიწყაროს მხარეთმცოდნეობის მუზეუმი.
მუზეუმის მისამართი: თეთრიწყარო, თამარ მეფის ქ. 4ტელეფონი: (+995 77) 95 39 55მუზეუმის დაფუძნების  თარიღი: 1965   წელი;მუზეუმის იურიდიული სტატუსი:  ააიპ (თეთრიწყაროს კულტურის ცენტრი)მუზეუმის ტიპი (პროფილი): ისტორიული;ექსპონატების რაოდენობა: 10380 ექსპონატი;თეთრიწყაროს მუნიციპალიტეტის უფრო ახლოს გაცნობისათვის ჩვენ გთავაზობთ
დაათვალიეროთ თეთრიწყაროს მუნიციპალიტეტის მხარეთცოდნეობის მუზეუმი.

     იგი დაარსდა 1965 წელს. მუზეუმის თვის ექსპონატებს აგროვებდა მთელი
თეთრიწყაროს მოსახლეობა,  განსაკუთრებით №2 სკოლის ბავშვებმა. ნორჩი
მხარეთცოდნეები აგროვებდნენ მასალას ექსპედიციებში, არქეოლოგიურ
გათხრების დროს. ძალიან ბევრი ექსპონატი შემოვიდა ჩატარებულ 60 - ან წლებში არქეოლოგიურ გათხრების დროს( ს. სამშვილდეს და ს. აბელიანის, ს. წინწყაროს და კოდას). უამრავი მასალა შემოვიდა მუზეუმში, როცა დაიწყეს ახალი
სტადიონის მშენებლობა. აქ აღმოაჩინეს დიდი ზომის ქვევრები და სხვა
უამრავი ექსპონატები. ამ ჟამად მუზეუმში ინახება 10380 ექსპონატი.
 აქ დაათვალიერებთ და გაეცნობით  თეთრიწყაროს მუნიციპალიტეტის
ტერიტორიაზე აღმოჩენილ არქეოლოგიურ და ეთნოგრაფიულ  მასალებს.
 ძველი ქვის ხანიდან მოყოლებულ კულტურისა და ისტორიის ამსახველ მასალებს.მასალის დიდი ნაწილი განეკუთვნება ბრინძაოს პერიოდს. ძალიან ბევრია
საბრძოლო და შრომის იარაღები, ცხენის ლაგამი, ბრინჯაოს ჭვირული ასტრალული
ბალთები, ქალის სამკაულები.  სარდიონის, ფირუზისა და მინის მძივები;რკინის ხანის ცულის პირები, საბრძოლო იარაღები, ოთხთვალა საბრძოლო ეტლი,თიხის სხვადასხვა ზომის, შეფერილობისა და მოხატულობის საოჯახო ჭურჭელი.მუზეუმში ექსპონირებულია აგრეთვე: ფერწერის, გრაფიკის, ქანდაკების
ნიმუშები, სხავდასხვა პერიოდის ეთნოგრაფიული მასალა.

მუზეუმის მუშაობის განრიგი:  ყოველდღე,  შაბათ-კვირის  გარდა, 10 სთ-დან 18 სმდე
მუზეუმში შესასვლელი ბილეთების ფასი: უფროსებისათვის: 1 ლ, ბავშვებისა და
სტუდენტებისათვის : 0.50 ლ
უბილეთოდ დაიშვებიან:  6 წლამდე ბავშვები, სოციალურად დაუცველი
მოზარდები, ICOM-ის წევრები, საქართველოს და უცხოეთის ქვეყნების
მუზეუმების თანამშრომლები, I და II კატეგორიის ინვალიდები, იძულებით
გადაადგილებული პირები.მუზეუმის ფართობი: 1115 კვ/მ
მუდმივი ექსპოზიცია:  811 კვ/მსაცავები:  304 კვ/მ
დამთვალიერებლების წლიური რაოდენობა: 350

 ჩვენი სკოლის  მუზეუმი

  2009 წელს ჩვენ ქ. თეთრიწყაროს N 2 სკოლაში დაარსდა   მუზეუმი. ჩვენთან მუზეუმში არის შეკრებილი ძალიან საინტერესო მასალა. მართალია, აქ ინახება მხოლოდ 200 - დე ექსპონატი, მაგრამ   თქვენ აქ შეგიძლიათ მოინახულოთ ბევრი საინტერესო რამ. მუზეუმში წარმოდგენილია საქართველოს თითქმის ყველა კუთხის წარმომადგენლების ეთნოგრაფიული მასალები.